| الغلاف |

| الغلاف |

تعليق صغير على الغلاف

بالنسبه للالوان ابيض واسود رغم جمال الرسمه فى اللونين الابيض والاسود لكن بيتهيالى

انها بالالوان هاتبقى احلى بكتير

ولا انت عاملهم باللونين دول عشان القصه حلم يعنى


اما بقى البنوته اللى عليه شكلها رقيق بس الكائن الغريب اللى على الكتاب

مغطى شويه على جمال الرسمه

تمنياتى بالتوفيق

الف مبروك يا محمد
والله الغلاف تحفة البنت شكلها يجنن
ربنا يوفقك ومن نجاح لنجاج يا رب

انت مجتهد وموهوب و تستاهل اكتر من كده كمان
تمنياتي بدوام النجاح و التقدم

ألف مبروك يا محمد ومن نجاح لنجاح إن شاء الله ..
بس قوللى إنت نشرت هناك إزاى..؟
مبروك مرة تانية..

ألف ألف ألف مبروووووك يا محمد



أنا سعيدة أوى بأن قصتك الجميلة اتنشرت








الغلاف رائع رغم ان الوانه ابيض وأسود إلا انها بتدى انطباع رقيق ورومانسى






إلى الأمام يا روميل

اعترافات كاتب كان فاشل .....


سما

اولا لازم اعترف انك اول واحدة تقريلي حاجة ومش هنسى كدا ابدا ..... اه في صحابي كتير جدا قروا القصة ..... وقرايبي ..... وناس معايا في الكلية ..... لكن دول انا مسكت فيهم واقنعتهم بالقصة ...... اما انتي فقرأتي اول قصة لي بلا سبب .... وتحملتي ان تقرأي 117 صفحة من السراب الحقيقي ..... اللي كلها سراب في سراب ..... واستحملتي ...... فعشان كدة انتي غلطانة !

عشان كلمة مبروك دي المفروض متتقلش ليا انا !
المفروض تتقال ليكي انتي عشان ..... الواد اللي بيكتب اللي ملاوش لازمة اللي ضيعتي وقتك في قصتين لي ..... دلوقتي يعتبر كاتب رسميا ...... فمبروك يا سما !

ولاء طه + نورسين .......

اعتقد انك قريتي القصتين برده السراب الحقيقي وحواديت الحب ..... قريتيهم بدون اي دافع ..... قريتهم وانتي ماتعرفيش مين اللي كاتبهم ده ..... ومع ان في احتمال مليون وشوية اني كنت اطلع كاتب وحش والقصتين يطلعوا باردين .... ألا انك قريتيهم ..... وعشان كدة انتي غلطانة في كلمة مبروك .....

مبروك يا ولاء على اني بقيت حاجة ..... ووقتك اللي ضاع على قراءة قصتين لكاتب مالوش وجود دلوقتي بقى له وجود رسمي ....

الأستاذة البشمهندسة الدكتورة المحامية المشرفة زهرة ....

طبعا انا النهاردة لازم اعترف بحاجة كنت بعملها اول مادخلت الموقع ..... ومالقتش اي قبول على قصصي .....
بدأت اشوف اكتر الأعضاء نشاطا ..... وبدأت ابعت رسايل خاصة ليهم اتحايل عليهم فيها عشان يقروا القصتين ....
شحاتة يعني ....
وزهرة كانت من الناس اللي كنت بزن عليهم جامد عشان يكملوا قراية ويقولوا رأيهم لأني لاحظت انها مشهورة اوي على الموقع واعتقدت ان اقتناع زهرة بيا ككاتب سوف يغير موقعي على المنتدى وستتولد بعض الثقة .....

مبروك يا زهرة ........ ليكي مش ليه عشان انا فاكر انك قولتيلي انك تعبتي اوي من قراية السراب الحقيقي خصوصا وانتي شاكلك لابسة نضارة فمبروك يا ستي ليكي اولا .....

فاطمة ارتس .....

انا مش عارف انتي قريتي القصة ولا لأ ..... بس اعتقد لأ

بس انتي عرفتي عنها منين ؟ عرفت عنها يا جماعة مني انا ..... انا شفت رسومات فاطمة وبعتلها رسالة خاصة وعرضت عليها تصمم الغلاف
لكن النصيب بقى ..... انتي اتأخرتي وغيرك سبق ورسم اجمل غلاف في الدنيا وهنعرف مين بعدين .....

حنان ......

انا مش عارف انتي قريتي القصة ولا لأ ..... بس اعتقد لأ

بس شكرا على التداخل الجميل ...... اه وحنان ليها ذكرى معايا على الموقع برده ....

اول حاجة اقراها على الموقع هنا كانت قصة حرب الزمن لحنان ..... بتاعتك صح ؟
القصة كانت عجباني جدا ..... والنهاية صدمتني وخلتني اقرر اني مش هقرا لحنان حاجة تاني خالص .....
بس خلاص انا مسامحك على النهاية دي ..... وهقرالك يا ستي ايه حاجة .... بس ابقي خلي بالك من النهاية ....

أختي العزيزة ..... اختي بجد ..... انا بتكلم عن اختي بنت امي وابويا .....

هيا مصممة الغلاف الجميل اوي ده وانا مقدرتش اعدل عليه في اي حاجة عشان انا مبفهمش في الرسم خالص .....

طريقة النشر في الموقع ده ...... قريبا هعمل موضوع مفصل عن الحوار ده كله .......عشان كلنا نبقى زمايل هناك ان شاء الله ....

محمد ....

ألف ألف مبروك يا محمد باشا

أنا مقرأتش ليك حاجة لسه

بس واضح من آراء الناس إنك كاتب موهوب

فأتمنى ليك نجاح متواصل

وأتمنى إنى أتشرف بقراءة أعملك قريبا

اقتباس

انا مش عارف انتي قريتي القصة ولا لأ ..... بس اعتقد لأ

تقصد السراب الحقيقى ولا حواديت الحب ..

أنا قرأت حواديت الحب وأعجبت بيها جدا

وأضفت رد هناك بس يظهر الزهايمر شغال اليومين دوله

وأنا اللى مفكره نفسى الوحيدة اللى عندها الزهايمر هنا

أما السراب الحقيقى لاقيتها متحملة عندى على الجهاز من زمان لكن ملحقتش أقرأها للأسف

لأن الجهاز اتغير ، لكن البركة فى اختى حرقتلى القصة وحاكيتهالى بالتفصيل

لدرجة انى انبهرت بأفكارك فيها واتوفجئت بنهايتها الغير متوقعة

لكنى واثقة فى انى لو قرأتها هنبهر بيها اكتر . .

لأن اللى بيقرا غير من اللى بيسمع

اقتباس

أختي العزيزة ..... اختي بجد ..... انا بتكلم عن اختي بنت امي وابويا .....

هيا مصممة الغلاف الجميل اوي ده وانا مقدرتش اعدل عليه في اي حاجة عشان انا مبفهمش في الرسم خالص .....

بجد بسم الله ماشاء الله وبتقولى كنت اعمله ...

صراحة التصميم ماكنش هيبقى رائع بمثل روعة تصميم اختك ورسمها الجميل جدا

ياريت تبعت ليها تحياتى على رسمها الجميل وياريت لو تشارك معانا فى المنتدى وتنورنا

بتصميماتها الجميلة ..

محمد .. ألف مبروك ليك مرة تانية وعقبال كده ما نشوف بقية أعمالك المتميزة

تحياتى وتمنياتى ليك بالتوفيق

في حاجة جديدة حصلت الحمدلله

اهة كلها خطوات صغيرة اوي اوي بس الواحد هيعمل ايه اهو بيمشي تاتة تاتة بطل مايقف محلك سر !!!!

رواية اربع صفحات تم نشرها على المنتدى هنا طبعا بس غرقت مع اول يومين نشر وماقبتش !!!

الحمد لله اتنشرت في مجلة اسمها " مصري " هتنشر على اجزاء ...... الحمدلله .









الموقع الألكتروني لمجلة مصري .....

http://myegyptmag.com/index.php

[size=5الف مبروك يامحمد
انا صحيح للأسف ما قريتش روايتك بسبب اجازتي في مصر وان الامور كلها بتكون متلخبطه
لكن انا سعيده جدا بنجاحك
ويارب من نجاح الى نجاح
ومن تقدم الى تقدم
و ربنا معاك دايما
مع خالص تحياتي بدوام التوفيق

ألف مبروك يا محمد
الرواية جميلة وتستاهل

مبروك يا محمد انت كاتب رااااااائع وان شاء الله نشوفك كده مشهور
انا قريت الرواية بتاعت اربع صفحات من الرومانسية ليلة امتحان الكيمياء بتاع الثانوية الازهرية
شفت الرواية شدتنى لدرجة انى كملتها وسبت مذاكرة الكيمياء بجد الرواية تستاهل وانا كان عندى اكتحانات ومقدرتش اعلق عليها
بس انا اختى مبتحبش القراءة خالص وعايزة اقولك انها وماما قعدوا يقروا الرواية كلها على الكمبيوتر
بس كلنا على فكرة معجبتناش حكاية البيك رولز كانت مقرفة بصراحة
وتحياتى لاختك الرسامة مش عشان رسمها حلو بس عشان انا حاسة انها رسمت الغلاف بحب فلازم كل الناس تحسدك عليها
انا بجد مبسوطة عشانك وانا مقرتش الروايتين التانيين هحاول اقراهم

ألف ألف ألف مبروووووووووووك ..

داه أنا ليسه بقرأ فيها الوقتى بجد فرحت أوى

يارب دايما كده من نجاح لنجاح

وأنت تستحق يا محمد لأنك

صاحب أفكار وأسلوب جميل فى الكتابة

ننتظر المزيد من أعمالك ويارب نشوفها على الورق

نورسين


الف مبروك يامحمد
انا صحيح للأسف ما قريتش روايتك بسبب اجازتي في مصر وان الامور كلها بتكون متلخبطه
لكن انا سعيده جدا بنجاحك
ويارب من نجاح الى نجاح
ومن تقدم الى تقدم
و ربنا معاك دايما
مع خالص تحياتي بدوام التوفيق


والله انا ماشفتش حد ذيك في المنتدى بيشجع كل الناس وبنفس الروح وفعلا أثرتي بوجودك معانا في المنتدى...... وشجعتي ناس كتير اوي ...... مش انا لوحدي .


حنان

ألف مبروك يا محمد
الرواية جميلة وتستاهل


شكرا يا حنان ........ انا فاكر انك قريتي الروية دي ...... الحمد لله ربنا كرمها مع انها على عكس الروايتين التانين حظها كان وحش اوي والناس كنتش مقبلة بس هيا انطلقت اهه .


سما


الف مبروووك
خبر جميل والله يا ابو حميد
والقصه جميله و تستحق وعقبال بقيه القصص
ويارب من نجاح لنجاح
وعقبال الطبعه الورقيه


شكر ايا سما ..... مين ابو حميد ده ؟...... الطبعة الورقية ان شاء الله احفادك بقى يقروها ...... بعد خمسيناية كدة .... نكون كبرنا واتشهرنا.


شمس اليل

مبروك يا محمد انت كاتب رااااااائع وان شاء الله نشوفك كده مشهور
انا قريت الرواية بتاعت اربع صفحات من الرومانسية ليلة امتحان الكيمياء بتاع الثانوية الازهرية
شفت الرواية شدتنى لدرجة انى كملتها وسبت مذاكرة الكيمياء بجد الرواية تستاهل وانا كان عندى اكتحانات ومقدرتش اعلق عليها
بس انا اختى مبتحبش القراءة خالص وعايزة اقولك انها وماما قعدوا يقروا الرواية كلها على الكمبيوتر
بس كلنا على فكرة معجبتناش حكاية البيك رولز كانت مقرفة بصراحة
وتحياتى لاختك الرسامة مش عشان رسمها حلو بس عشان انا حاسة انها رسمت الغلاف بحب فلازم كل الناس تحسدك عليها
انا بجد مبسوطة عشانك وانا مقرتش الروايتين التانيين هحاول اقراهم

حد يعمل كدة تسيبي الأمتحان وتقري القصة ؟ وامتحان الكيمياء كمان ..... لو سمعت ان حد عمل كدة تاني هبطل اكتب اصلا .
مامتك قريتها وعاجبتها ...... مامتك كدة اول حد كبير يقرالي حاجة على فكرة ...... ويارب تكون عجبتها فعلا .

البيك رولز .................. والله فكرة لذيذة........ مش مقرفة لذيذة جدا .

الروايتين التانين اعتراف مني انا شخصيا اقول من الرواية دي بمراحل ...... دي وجهة نظري ...... فأقريهم بس في الأجازة .

أختي لغاية دلوقتي مش مصدقة انها بتعرف ترسم وبتقولي انها بتلطش اي حاجة وخلاص



فاطمة آررررررررررررتس

ألف ألف ألف مبروووووووووووك
داه أنا ليسه بقرأ فيها الوقتى بجد فرحت أوى
يارب دايما كده من نجاح لنجاح
وأنت تستحق يا محمد لأنك
صاحب أفكار وأسلوب جميل فى الكتابة
ننتظر المزيد من أعمالك ويارب نشوفها على الورق

قبل اي حاجة ان ليا غلاف عندك امتى وفين وازاي ولأي قصة مش عارف بس ..... انا عندي نية ...... وان شاء الله هنعملها .
لسه بتقري فيها دلوقتي ...... طب عايز اعرف رأيك المجلات و الكلام ده كله كوم ورأي عضوة من دار ليلي كوم تاني خالص ..... مستني رأيك بجد .
ان شاء الله المزيد من اعمالي هينفجر بعد كام اسبوع في صورة روايتين جداد .

قولنا بقى موضوع الورق ده نخليه للأحفاد .