من سكات
من غير كلام ولا شوشرة ولا حتى نعى
من غير مايطلع منه أى
مات....
ف الشارع الضلمة الطويل... وقع
وف وسط ليل من غير قمر
والبوم بتنعق ع الشجر
بصوت كئيب
زى العويل....زى الصوات
وطلع الصباح....وملوهش لون
والقسوة ...ساكنة ف العيون
وناس بتسأل هو مين؟
وناس تقول جالنا منين؟
وف ساعة واحدة
لملموه...
بسواد قلوبهم لفلفوه
و ف حفرة منسية
وسط الخلا ورموه
نسيوه
وكل حى وراح لحاله
لا كأنه عاش
ولا حتى مات
مات ف القلوب
نات ف العيون
ف الشوارع
ف الحارات
وعشان محدش يعرفوه
احب اقول للى يهمه الأمر
الحب مات
الحب مات
الحب مات

الصديقsherif M. Anwar
جميل جدا شعرك
يوجد اخطاء املائية قليلة
عدا ذلك فالنص يقوم على فكرة جميلة و بناء متقن
في انتظار جديدك