وبعد
كافة التفاصيل سيتم الاعلان عنها غدا بمشيئة الله تعالى
وغدا يعنى بكرة .. مش النهاردة الساعة 12 بالليل

لأنى بحب أنام بدرى

سلام

وألف ألف مبروك للفائزين

سلامى
و ...
أشوفكم بكرة *
















ياااااااه احساس جامد جدا ان النتيجة تكون فى ايدك والناس كووووووووووولها مستنية

أنا للأسف مشتركتش فيها وربنا يسهل الدورة القادمة .. يا ريت يا غالي لو تقول لنا هتبدأ أمتى

وألف مبروك مقدماً لكل الفائزين

السلام عليكم

انا متوتر قوي قوي قوي

معلش ليا سؤال..

يا ريت تجاوبني عليه يا محمد..

لو قصتي اللي بعتتها ما فازتش.. مفيش مشاكل..

لكن كنت عايز اعرف..

هل هي وصلت ولا لاء..

لأني بعتتها في آخر يوم في المسابقه..

وفي نهاية آخر يوم في المسابقة..

يعني في نص الليل بتاع آخر يوم من المسابقه..

فياترى لو ما فزتش ممكن أتعلق واهماً بإن ده سبب عدم فوزي؟..

وشكراً مره تانيه..

ملحوظه:

ما أوعدكش إني مش هدخل الساعه 12 بالليل أشوف الدنيا فيها إيه؟

آه صحيح..

هي الدوره الجايه إمتى علشان الواحد يعرف هتتاح ليه الفرصه الجديده إمتي؟..

صباح الخير
نمتوا كويس

طيب

اسماء الفائزين بالمسابقة

المركز الاول الصديق أحمد الملوانى عن قصته يوجينا

المركز الثانى الصديق أحمد فريد عن قصته وثنية

المركز الثالث الصديقة هبة الله محمد حسن عن قصتها تحت الرمال

ألف ألف ألف مبروك للفائزين مرة أخرى

الاعمال الفائزة سيتم نشرها بعدد كوكتيل 2000 القادم بمشيئة الله

المفاجأة الأخرى سيتم تسليم الجوائز للفائزين فى حفل يقيمه د . نبيل فاروق بداية الشهر القادم بمشيئة الله تعالى

ملحوظة
الاصدقاء الفائزين برجاء ارسال كافة البيانات على الميل التالى
mohamedaelrahman@yahoo.com
او
rewayat4ever@hotmail.com
الاسم ثلاثى والسن والعنوان ورقم الموبايل للاهمية ورجاء آخر عدم التأخر فى ارسال البيانات فياريت لو حد من الاعضاء هنا يعرف الفائزين يبلغهم السرعة فى ارسال البيانات

اراكم على كل خير

تحياتى

محمد عبد الرحمن

محمد.. إنت متأكدمن الكلام ده؟!!!!!!!!!!
بصراحة انا حاسس زي ما أكون مضروب على دماغي...!!!!!!!!!!
ولسة شاكك غن في إحتمال يكون الموضوع تشابه أسماء!!!!!!
أنا مش عارف أقول إيه؟!!!!
واضح إني قربت اتجن....

ثلاثة من منتدى ليلى دفعة واحدة ..

ثلاثة قدموا الكثير وأثق في موهبتهم كثيراً جداً ..

ثلاثة لا يختلف عليهم أحد ..

هذا بجانب موهبتهم الجميلة نجد لديهم الكثير من طيب الخلق ، وحسُن المعاملة ، والود للجميع

ألف ألف مبروك للفائزين بمسابقة د. نبيل فاروق للخيال العلمي

المركز الاول الصديق أحمد الملوانى عن قصته يوجينا

المركز الثانى الصديق أحمد فريد عن قصته وثنية

المركز الثالث الصديقة هبة الله محمد حسن عن قصتها تحت الرمال


تستحقون الفوز عن جدارة يا أصدقائي

ألف ألف مبروك

وحظ سعيد دائماً ، وإلى الأمام أكثر بأقلامكم الذهبية




ملحوظة
الاصدقاء الفائزين برجاء ارسال كافة البيانات على الميل التالى
mohamedaelrahman@yahoo.com
او
rewayat4ever@hotmail.com
الاسم ثلاثى والسن والعنوان ورقم الموبايل للاهمية ورجاء آخر عدم التأخر فى ارسال البيانات

الله يبارك فيك..

وإن شاء الله هتكون من الفائزين المرة الجاية ..لانك ملحقتش تشارك المرة دي..

طبعا مش مصدقة و ما كنتش ناوية أدخل خالص دلوقت علشان نأجل الصدمة شوية..بس الحمد لله ربنا ستر..

و ألف ألف مبروك لأحمد الملواني.

وأحمد فريد.

الف مبروك ياهبة عقبال كل مرة.

مبروك يااحمد الملواني واحمد فريد.

مبروك للعزيز أحمد الملواني تستحقها يا فتى قصتك رائعة جدا وأعتقد أن الفوز قد أعاد لهذه القصة على وجه التحديد اعتبارها بعدما قيل في حقها من البعض .. كل تحياتي وأمنياتي بالمزيد من التفوق المستحق ..

مبروك خاصة جدا وكبيرة جدا للمبدع المنطلق بسرعة الصاروخ الذي أسعد بكوني من أطلق عليه اللقب الذي بدأ يشتهر به ( جواد الخيال العلمي ) القادم بسرعة تفوق الصواريخ إن شاء الله أحمد فريد .. لا تحتاج مني لكلمات لتؤكد مدى إعجابي بقلمك يا أبو حميد .. كل أمنياتي

مبروك أيضا للمميزة منافسة الرجال بقوة هبة الله محمد عن قصتها الجميلة والتى آمل أن تكون الجائزة بداية لأعمال أقوى وأكثر تميزا بإذن الله



تحياتي مرة أخرى لمن لم يسعفه الحظ بالفوز هذه المرة وإن شاء الله تُعوض في المرات القادمة ..


محمد الدسوفي،

ألف مبروك للفائزين

الف مبروك يا هبة والمرة الجاية تطلعي الاولي ان شا ءالله ..
الف مبروك لأحمد الملواني واحمد فريد ..
وان شاء الله من نجاح لنجاح دايما ..
ونشوفكم قريب بين المشاهير ..

مبروووووووووووووووووووووووووووووووووووووووك يا ملواني

فاكر الرسالة الخاصة من ايام ؟؟ عشان تبقى تصدقني

مبرووووك لأيقونة الخيال العلمي القادمة أحمد فريد مبروووك هبة ومبروك لمنتدانا بفوزكم الرائع

من نجاح لآخر بإذن الله

عقبالنا يا رب

مبروك أحمد الملواني والحمد لله الجائزة جاءت في وقتها لتعيد لك الثقة في قلمك الرائع وأدبك الذي أكد تميزه في الرعب وجاء يضيف الخيال العلمي أيضا

مبروك للكاتب القادم في أدب الخيال العلمي أحمد فريد

مبروك للأخت العزيزة هبة وعقبال المركز الأول إن شاء الله فقلمها شامل ومنافس قوي يستحق ما هو أكثر

ودمتم ودامت نجاحاتكم بإذن الله

السلام عليكم

ألف مبروك للفائزين أحمد و أحمد و هبة الله و إن شاء الله نشوفلكم المزيد من النجاحات قريب

و هارد لاك لكل من لم يفز و أنا أولهم

تحيــــــــــــــــــــاتي

السلام عليكم

شكرا جزيلا يا محمد على اهتمامك و إنك بلعتنا بالمسابقة من الأول .. و أعتذر لو كنت تقلت عليك ..

كنت حابب أسأل سؤالين ..

الأول: إمتى هيبتدي الموسم التاني ؟

الثاني: هل في إيميل ممكن أراسل الدكتور نبيل عليه ؟

شكرا لاهتمامك يا صديقي ..

تحيـــــــــــــــــاتي

الف الف مبروك
تم دمج موضوع التهنئة مع موضوع اعلان النتيجة حيث ان الاتنين بقوا تهنئة


الف مبروك لأحمد الملواني
واحمد فريد
وهبة


ومازالت دار ليلى مسيطرة

مش عارف الجمله دي موجهه ليا ولا لاء..

بس آهو يا هبه دي كانت مجرد محاوله مني للتعرف على عوالم أدب الخيال العلمي..

في الحقيقه ما اعتقدش اني هبعت في الدوره الجديده..

زي ما قلتلك.. كانت مجرد محاوله مش اكتر

وألف مبروك ليكي انتي والملواني وفريد

دسكو

السلام عليكم

يعنى أنا نايم شوية .. مفيش واحد بن حلال كدا يصحينى ويقولى الناس فازت قوم باركلهم؟؟؟

ماشى يا بنى آدمين

[/color]

اقتباس

المركز الاول الصديق أحمد الملوانى عن قصته يوجينا

شوف يا بوحميد .. أمثالك يا بنى والله بيثبتوا إن بلدنا دى لسة بخيرها والله العظيم .. وطظ فى أى يائس حتى لو كان أنا .

ألف مبروك يا كاتب يا عبقرى .. بس بلاش تفرح بالجايزة كتيير لأننا مستنين منك أعمال أكتر بإذن الله

اقتباس

المركز الثانى الصديق أحمد فريد عن قصته وثنية

أحمد باشا فريد .. على فكرة أنا لحد اللحظة دى مش هنسالك باقى القصة اللى أنا لسة مكملتهاش .. قدامك حل من الأتنين : يا تكملها على المنتدى هنا يا تنشرها فى كتاب (تبع دار ليلى) وتدينى نسخة هدية

ألف مبروك يا دكتور ويا رب دايما من نجاح لنجاح .

اقتباس

المركز الثالث الصديقة هبة الله محمد حسن عن قصتها تحت الرمال

</STRONG></FONT>



هبة الله محمد حسن

أسم عدى عليا كتيير فى قصص كتاب الرعب الجماعى .. بجد يا هبة الله .. أنا بعتذر لأنى فعلا كنت مشغول جدا وقت إشتراكى فى لجنة القراءة فمش فاكر أسامى قصصك بالظبط لكن اللى فاكره إن أسمك موجود ومتردد فى عقلى .. وبقوة ... وبعدين رأى دكتور نبيل يجبرنى إنى أحفظ الأسم دا بإذن الله .





كلمة أخيرة لدكتور نبـــــــيـــــل فـــــاروق :

لو سمحت يا دكتور .. من فضلك .. تقولى على طريقة أشكرك بيها أو كلمة توفيك حقك .. ممكن؟؟





سلام عليكم

[color="#000066"]

هانذا بعد الاستفاقة من صدمة الأمس..

ألف مبروك يا ملواني..أنا قريتلك "يوجينيا" لما نشرتها هنا في المنتدى..فاكر ردي فيها؟..دي فعلا قصة مسابقات يا أحمد..مبروك .. ألف مبروك..
و آدي المسابقة جاتلك في وقتها..علشان تطرد الإحباط اللي بيسيطر عليك من فترة لأخرى.

ألف مبروك لهبة..ما شاء الله منورانا في كل مسابقة..و دا بيأكد إنها أديبة عندها مرونة شديدة..فتخوض غمار أدب الرعب بنفس قوة خوضها غمار أدب الخيال العلمي.. ما شاء الله.. و يا رب من نجاح إلى نجاح.

و أخيرًا -وليس آخرًا- مبروك ليا طبعًا..أنا كنت مسافر و أول من بلغني و أنا على الطريق كان أخي الروحي محمد الدسوقي..وشك حلو عليا يا دسوقي..كالعادة..

و شكرًا كبيرة جدًا لمحمد عبد الرحمن .. حلقة الوصل بيننا و بين د.نبيل..على كل جهوده..
و شكرًا أضخم لد.نبيل على كل ما يقدمه لنا حتى بعد توقفه عن كتابة سلاسلنا المفضلة..هذا رجل قلما يجود به الزمان..فهو "نبيل" حقًا..و "فاروق" بكل تقدير..

و بالتوفيق لمن لم يوفق هذه المرة..هناك مرات و مرات قادمة لذا فلا يأس مع الحياة..

فالفوز دفعة إلى الأمام..و الخسارة دفعة إلى الأمام..

فقط عليك أن تجيد استخدام ذاتك و توجيهها لما تُريد،

اقتباس

على فكرة أنا لحد اللحظة دى مش هنسالك باقى القصة اللى أنا لسة مكملتهاش .. قدامك حل من الأتنين : يا تكملها على المنتدى هنا يا تنشرها فى كتاب (تبع دار ليلى) وتدينى نسخة هدية

الله يبارك فيك يا عزيزي..

لو قصدك على وثنية..فأنا نزلتها حتة واحدة على المنتدى..و هي كاملة طبعًا..

أو ممكن تستنى عدد كوكتيل2000 الجاي .. هتلاقيها موجودة برضه.

شكرًا لكل من بارك و هنأ..الله يبارك فيكم جميعًا.

سلامي و تحياتي.

يبدو أنني لن أتخلص من أزمة كوني اخر من يعلم..
لكن ان تأتي متأخرا خير من ألا تأتي (لا أعرف قائل هذه الجملة لكن اشكره أيا كان وأينما كان )
مبروك للعزيز أحمد الملواني عن( يوجينيا)
(أرأيت ؟ عندما تركت احتمالا -ولو ضعيفا- لنجاة البطل فزت بجائزة..القتل ليس الحل الأمثل دائما يا صديقي )
مبروك لأحمد فريد عن (وثنية)
ولهبة الله محمد عن (تحت الرمال)
وبالتوفيق دائما ان شاء الله..

ألف مبروووووووووووووووووووووك لكل من فاز

مبروك للأحمدان و لهند

و إن شاء الله اللى ماكسبش المرة دى يكسب المرة الجاية

الف الف مبروك للفائزين

بسم الله الرحمن الرحيم

ألف مبروك للفائزين

محمود

ألف مبروك للفائزين أحمد الملوانى، أحمد فريد وهبة رغم أننى لا أعرفهم شخصياً ولم أقرأ لهم من قبل

ولكننى أتمنى قراءة أعمالهم الفائزة، وبالتوفيق دائماً

الف مبروك لكل اللى فاز فى المسابقه من دار ليله وكان نفسى موت اشترك بس للاسف مكنش ليا نصيب بس الحمد الله كان ليا نصيب انى اكون من نفس المنتدى اللى خرج منه الادباء الجمال
الف مبروك لكل فائز بس ياريت ماتنسوناش فى الحاجه الحلوه
اوشين

أحمد فياض ، محمد جلال ، سارة ، أميرة ، أوشين ، محمود..

شكرًا على التهنئة الطيبة ، الله يبارك فيكم. و عقبال ما نسمع نجاحاتكم.

جزيل الشكر لكل من شرفونا بالتهنئة الكريمة..
وكلهم أصدقاء أعزاء..
أريد أن أهنئ بدوري الصديقين أحمد فريد وهبة الله محمد..
أحمد فريد كاتب خيال علمي من طراز مميز..
مازال سنه صغير.. لذا فهو يستطيع بمواصلة الجهد أن يصير (مايكل كريشتون) عربي..
الصديقة هبة الله.. حالة غريبة..
فهي تفوز في مسابقة للخيال العلمي..
وتشارك في كتاب للرعب..
وبرغم هذا لا أجد لها أية قصة منشورة على المنتدى..
وإن كان فوزها يؤكد على أنها كاتبة موهوبة..
وأريد أن أوجه شكرًا خاصًا إلى صديقين:
عبد العزيز أبو الميراث..
لأنه أول من تنبأ بفوز هذه القصة.. حتى قبل أن أشارك بها في أية مسابقة!!!
ومن يراجع تعليقه المنشور في موضوع (يوجينيا) بالمنتدى سيتأكد من هذا..
والصديقة الناقل المحيطي..
التي عدلت في القصة بناءًا على نصائحها الغالية..
وأخيرًا أقول لأحمد فياض..
أن ما فعلته في بطل يوجينيا لهو أكثر بشاعة من الموت..
وأؤكد لك أنه في هذه اللحظة يتمنى لو كنت قتلته!!!

الله يبارك فيكم يا جماعة إن شاء الله نباركلكم على الفوز قريب..



الله يبارك فيكي يا أو شين وإن شاء الله تشتركي المرة الجاية وتفوزي بإذن الله.

مليون مبروك لكل اللي فازوا
انا مبسوطة جدا ان المراكز الاولى ماخرجتش عن اعضلء المنتدى

السلام عليكم

هل هناك مسابقات قادمة اخرى للدكتور نبيل فاروق

ارجوا الرد لان هذا مهم جدا بالنسبة لى

شكرا

الف مبروك للفائزين في المسابقة

أصدقائى الاعزاء
Exclusiveلموقع روايات نت ودار ليلى
وقبل أى مواقع تانية
اعلان تفاصيل جائزة د . نبيل فاروق لأدب الخيال العلمى
الموعد : يوم الأحد الموافق 8 \ 3 \2009
الساعة : السادسة مساء
العنوان : 17 ش الأهرام الكوربة . مصر الجديدة . الدور الرابع الشركة الدولية لتكنولوجيا المعلومات فوق مترو ش الأهرام
برعاية بص وطل ( عرفتوا بقى مين التانيين)



تحياتى

محمد عبد الرحمن

الاهرام الـ .. إيه؟!!!
ده اسم الشارع؟!!!

مترو ده مقصود بيه (المترو).. ولا السوبر ماركت؟!!
لاحظ إن أنا من الإسكندرية..
وبالنسبة لي هذا الكلام.. ظلاسم!!!

الاصدقاء الاعزاء
السلام عليكم ورحمة الله
هناك توضيح هام لكى لا يحدث اى التباس فى امر الحفل
الحفل متاح ((فقط))للفائزين ومن الممكن ان ياتى مع الفائز عدد (2 مرافق) فقط
نظرا لضيق المكان المخصص لذلك من ادارة موقع بص وطل
وسيتم بمشية الله تعالى تلاشى هذا الامر فى الموسم القادم باذن لله الذى سيكون افضل من سابقه باذن الله تعالى
نرجو فقط الا يسبب هذا الامر استياء او غضب البعض

ثانيا بالنسبة لوسيلة المواصلات
خاص يعنى مالقيتوش غيرى اللى تسالوه عن مصر الجديدة
انا آخرى ان بيت الريس فيها

عامة ما اعلمه جيدا ان معظم الفائزين سيصلوا الى مصر عن طريق رمسيس سواء كان قطار او ميكروباص
لو كان ده صح تعملوا ايه
مسجد الفتح .. اسأل بس عليه ولو مش عاوز هاتلاقيه واضح وكبيييييير قدامك .. وجنبه زحمة وعساكر وخلافه .. من قدام المسجد ده هاتلاقى اتوبيسات كتيرة اوى بتروح مصر الجديدة اسال على اللى بيروح الكوربة

بجد والله لولا انى هاكون وقتها فى الشغل كنت وصلتم بنفسى ,, واهو بالمرة ما اتوهش لوحدى
ولكن للاسف لن استطع ذلك

تحياتى

محمد عبد الرحمن

الاصدقاء الاعزاء
ميعادنا غدا بمشيئة الله تعالى
اعلم جيدا ان تحديد المرافقين باثنين فقط هو امر مثير للضيق



الشديد ..
ولكن نرجو التماس العذر وبمشيئة الله سيكون الموسم القادم افضل من كافة الانحاء
اراكم على خير غدا باذن الله
محمد عبد الرحمن
بس يااااااااااااااااااااااااااااااااااااارب اعرف استاذن بدرى.. من حلوان لمصر الجديدة مشوار طويل

ألف مبروك للفائزين أحمد الملوانى، أحمد فريد وهبة
وخصوصاً
الاستاذ
احمد الملواني
بجد تستحقها